Доскорешниот пратеник од СДСМ, Костадин Костадинов, денеска обелодени документи кои биле доставени до партијата, а кои, како што вели, покажуваат како лидерот на ВМРО-ДПМНЕ, Христијан Мицкоски, распинички, криминално, крајно неодговорно се однесувал со парите на граѓаните додека бил директор на АД ЕСМ тогашен ЕЛЕМ.
„Еве како почитувани граѓани Христијан Мицкоски, најлошиот директор на ЕЛЕМ на сите времиња кој што во свое време ја поскапе цената на струјата за 100% народните пари ги давал на лица блиски до него и ВМРО-ДПМНЕ. Како тогашен директор извршителот Мицкоски склучил Договор за адвокатски – советодавни услуги со Панче Тошковски, од ВМРО-ДПМНЕ, со кој му дал 1.600.000 денари, за период од две години.Само 5 месеци подоцна, во март 2017 година, Мицкоски склучува нов Договор со Тошковски, вреден нови 8.850.000 денари односно 143.000 евра, за адвокатски услуги!“, рече портпаролот на СДСМ.
Се работи, како што додаде, за Договори со Панче Тошковски, многу близок пријател на извршителот Мицкоски и човек кој беше дел од преговарачкиот тим за Законот за Јавно обвинителство.
„Ете како почитувани граѓани извршителот Христијан Мицкоски ги испумпувал буквално парите на граѓаните и како ВМРО-ДПМНЕ ги полнеле своите џебови додека граѓаните плаќале поскапа струја за 100%. Тоа се истите шеми на Никола Груевски, извршителот Мицкоски очигледно дека доследно ги следел истите шеми. Мицкоски најмногу се плаши од Законот за јавно обвинителство. Затоа што знае дека и за него одговорност мора да има, исто како што одговорност ќе има за Никола Груевски“, рече Костадинов.
Документи кои, како што кажа, се индиции за криминал и расипништво со парите на граѓаните од страна на извршителот Мицкоски, ќе бидат предадени до надлежните институции.
За случајот вчера во ТВ дуелот со Мицкоски зборуваше и лидерот на СДСМ, Зоран Зеав.
„Ова е почитувани граѓани причината зошто Христијан Мицкоски на вчерашниот ТВ дуел беше нервозен, се потеше и не смееше да одговори за овие документи но секако не даде одговор ниту за криминалите на Никола Груевски“, порача Костадинов.