Основната плата на лекарите специјалисти се зголемив за 40 отсто, на медицинските сестри помеѓу 20% и 23 отсто, на општите лекари за 25 отсто, додека на здравствените соработници за 15 отсто.
Владата предводена од СДСМ продолжува со инвестиции во јавното здравство за мотивирани здравствени работници и задоволни граѓани, а за таа намена обезбедени се 600 милиони денари во Буџетот за 2022 година, рече на денешната прес конференција пратеникот на СДСМ, Ненад Коциќ.
„Пандемијата со коронавирусот покажа дека инвестциите во јавното здравство се инвестции во здравјето и иднината на нашата држава. Платите на сите вработени во здравството се зголемуваат за пет отсто, почнувајќи веќе од овој месец. За четири години основната плата на лекарите специјалисти ја зголемивме за 40 отсто, на медицинските сестри помеѓу 20% и 23 отсто, на општите лекари за 25 отсто, додека на здравствените соработници за 15 отсто. Го корегиравме коефициентот за дежурства, а на младите специјализанти им овозможивме здравствено осигурување, платени дежурства и месечен надомест во висина на основната плата на општ лекар“. реќе Коциќ.
Освен во човечкиот капитал, сериозно се инвестира и во опремувње и реновирање на здравствените установи, велат од СДСМ. За првпат охридскиот регион доби апарат за магнетна резонанца кој е поставен во Специјалната болница за ортопедија и трауматологија „Св. Еразмо” во Охрид. Апарат за магнетна резонанца се постави и во Струмица, како и во Институтот за радиологија во Скопје, а Општата болница во Кичево доби апарат за компјутерска томографија. Целосно се реновирани и 1.300 квадратни мерти од Клиниката за ортопедија во Скопје, реновиран и опремен е Ургентниот центар во Специјалната болница за гинекологија и акушерство во Чаир, како и одделот за нефрологија на Клиниката за детски болести.
„Сето ова е релизирано во само еден месец, што само ја покажува заложбата на Владата предводена од СДСМ за унапредување на условите за работа на здравствените работници. Затоа продолжуваме со реализација на мерки и проекти кои обезбедуваат грижа за здравствените работници и унапредување на квалитетот на здравствените услуги за сите граѓани“, потенцираше пратеникот Коциќ.