Двотретинското мнозинство за уставни измени не е потребно на Владата, тоа е потребно на граѓаните и на државата, бидејќи една од одлуките до полноправно членство на Северна Македонија во ЕУ е внесувањето на делови од други заедници во нашиот Устав, кажа премиерот Димитар Ковачевски во гостувањето во ТВ24. Според него на тој пат до целосно зачленување постојат и други одлуки кои што ќе се носат и за кои повторно ќе биде потребно двотретинско мнозинство, како што се реформа на правосудниот систем, обвинителскиот систем, реформа на јавната администрација, реформа на децентрализација.
-Тоа се се одлуки кои што се носат со двотретинско мнозинство во Парламентот, затоа велам дека овие одлуки кои што се од стратешко значење не треба да бидат предмет на дневна политика, тоа има примери во држави како што е Хрватска, каде што и тие носеа тешки одлуки до зачленувањето во ЕУ, меѓутоа тие одлуки не беа дел од дневна политика и затоа велам дека опозицијата треба да учествува во овој процес, и ова треба да биде обврска и одговорност на сите 120 пратеници во Собранието, бидејќи преку тие одлуки се одлучува за иднината на нашите сегашни и идни генерации, рече Ковачевски.
Во однос на прашањето како ќе ја убеди опозицијата во оваа насока тој одговори:
-Првин за влада се потребни 61 глас, оваа влада има 65 гласа, за уставни измени се потребни две третини и да ги одвоиме тие процеси, тоа се два различни процеси. Јас истото ви го велам во оваа прашање вие ја доловивте суштината на тоа се случува. Овие одлуки не треба да бидат предмет на уцена, бидејќи има уште одлуки кои што треба да се носат до финално зачленување во ЕУ…Ама ВМРО-ДПМНЕ до сега не поддржала ни една одлука за зачленување на Македонија во НАТО или ЕУ. Кажете ми една одлука која тие ја поддржале, беа против зачленување во НАТО, тие не влегоа во собраниската сала кога го гласавме договорот Фронтекс, Фронтекс е договор помеѓу нашата држава и ЕУ каде за прв пат на еден договор стојат сите официјални јазици на ЕУ и македонскиот јазик без никакви појаснувања, додавки или фусноти, и не влегоа во собраниската сала и не го гласаа, значи за каква поддршка ние зборуваме, тие секогаш имаме декларативна поддршка меѓутоа никогаш немала реална поддршка, затоа сега треба да се исправат себе си, да дадат реална поддршка на овој процес. Процесот на уставни измени е структуиран процес, значи првин започнува со експертска комисија во МП кое што ќе биде составено од експерти и кое што ќе вклучува експерти, јасно е дека треба да вклучува експерти и од опозицијата, рече Ковачевски.
Тој додаде дека сега има екипирање на Владата, а потоа тим треба да ги состави амандманите за да можат да се стават на јавна дискусија, да се видат од меѓународната заедница и академската заедница, невладините организации и медиумите.
-Потоа следува собраниската процедура која што исто така е подолга процедура, таму има прво уставна комисија која што ја води претседателот на Собранието, па потоа има отворање амандмандски расправи, затворање на Уставот и тн. Тоа е процедура која што кога ќе почне тогаш ќе можат сите да го кажат своето мислење, меѓутоа пак кажувам дека ова е одлука за иднината на нашите идни генерации и за сегашните генерации, бидејќи македонските граѓани сакаат да живеат во ЕУ, сакаат да живеат во ЕУ тука дома, а не да живеат во ЕУ да се иселуваат во странство, во Германија, Франција, Британија, тие одат во Италија, Германија и Франција заради подобар стандард. Ќе ви дадам една споредба, тоа е најдобрата споредба, погледнете ги Чешка, Словачка, Полска, Романија. Каде беа тие до пред зачленувањето на ЕУ, направете само споредба, повозрасните наши граѓани можат да направат. Тие земји кога беа дел од Варшавскиот договор имаа неколку кратно понизок животен стандард од нашиот. Погледете денес, наши граѓани одат да работат заради повисолки плати во Словачка и во Чешка, ако отидете во Прага вие ќе најдете голем број наши граѓани кои што работат таму во фабриките и во компаниите, зошто, затоа што тие го унапредија и животниот стандард и нивото на економијата и нивото на целото општество со зачленувањето во ЕУ. Па нашите граѓани тоа го заслужуваат, ние за тоа зборуваме, не зборуваме ние за надмудрување, кој ќе има 80 пратеници, кој ќе нема 80 пратеници, тоа не може да биде прашање на дневна политика, тоа е прашање на иднината на оваа држава, пред 31 година ние сме формирале држава каде што консензуално сме кажале дека државата ќе биде членка на НАТО и на ЕУ. Сите одлуки на тој пат на нашата држава и кон НАТО и кон ЕУ ги донеле прогресивното мнозинство во кое водечка улога има СДСМ.
На прашањето во однос на евентуалните пречки од бугарска страна Ковачевски рече дека државата преговара со Брисел а не со Бугарија.
-Патот за Брисел не води преку Софија, бидејќи процесот на пристапување во ЕУ е процес во кој што се исполнуваат критериуми, кои што критериуми ги обединуваат 27 земји членки на ЕУ, во тој процес секоја земја врз основа на критериумите може да побара унапредување, ќе видите кога ќе дојде делот на економијата, кога ќе дојде делот на енергетиката, кога ќе дојде делот на правосудство, на реформите на јавната администрација, ќе видите дека патот води кроз домашни реформи и низ носење на тешки одлуки бидејќи јас сум живеел во земји членки на ЕУ и знам какви реформи таму се праврени, какви институции се градени и зошто нивоти и на стандар и на владеење на сите делови ви општеството е на такво ниво и тоа ќе биде прашање на предизвици. Ние со Бугарија имаме билатерални прашања кои што билатерални прашања ќе се решаваат билатерално, ние имаме и со Грција билатерални прашања кои што ќе се решаваат билатерално, Хрватска и Словенија имаат билатерални прашања и ги решаваат билатерално, меѓутоа големите одлуки ги донесеа и станаа заеднички пред ЕУ, заклучи Ковачевски.