Published: Sunday, March 27, 2022 12:09
Во овие неизвесни времиња, кога целиот свет се грижи иднината и безбедноста, Северна Македонија е дел од најмоќниот воено политички сојуз кој го гарантира нашиот територијателен интегритет и сигурност.
Членството во алијансата е многу повеќе од гарантирана безбедност и заштита на нашите граѓани, објави премиерот Ковачевски
Пред точно две години ја остваривме една од стратешките цели поставени уште од осамостојувањето на државата – полноправно членство во НАТО алијансата. Две години подоцна, во екот на најголемата воена и економска криза по втората светска војна, ја согледуваме исправноста на оваа одлука, објави денеска премиерот Димитар Ковачевски на својот Фејсбук профил.
Во објавата тој додава:
– Во овие неизвесни времиња, кога целиот свет се грижи иднината и безбедноста, Северна Македонија е дел од најмоќниот воено политички сојуз кој го гарантира нашиот територијателен интегритет и сигурност.
Членството во алијансата е многу повеќе од гарантирана безбедност и заштита на нашите граѓани. Да се биде дел од НАТО значи исполнување на сите стандарди на цивилизираниот свет, како заштита на човековите права, солидарност меѓу народите и унапредување на демократијата.
Како членка на НАТО, ќе продолжиме активно да учествуваме во сите активности на Алијансата и да го градиме сојузништвото со нашите партнери. Оваа определба значи долгорочен развој за нашата земја и сигурна иднина за нашите деца.
За крај, денес се потсетуваме дека одлуките кои владата на СДСМ ги донесе беа визионерски и во најдобар интерес на граѓаните. Со храбри и одлучни чекори продолжуваме и понатаму затоа што политката е лидерство и одговорност за иднината на сопствените граѓани, порача Ковачевски на Фејсбук.