Премиерот на Македонија Димитар Ковачевски сепак нема да оди во Украина со албанскиот премиер Еди Рама и нивниот црногорски колега Дритан Абазовиќ.
„Поканата се однесува на период кој во агендата на премиерот е исклучително интензивен и поради неможност истата да се измени, за жал не бевме во можност позитивно да одговориме“, велат од Владата.
Како што дополнуваат, нашата поддршка за Украина и храбриот украински народ е недвосмислена и безрезервна.
„Благодарни сме на поканата за посета за која веруваме дека наскоро ќе биде реализирана“, велат оттаму.
Претходно црногорскиот весник „Вијести“ објави дека премиерите на Северна Македонија и на Албанија ја прифатиle идејата на Дритан Абазовиќ заеднички да го посетат главниот град на Украина, Киев.
М. Терзиова