Премиерот на Македонија Димитар Ковачевски упати благодарност до Претседателот Макрон и Француското претседателство, за нивните напори да се надминат пречките и да се зачува европскиот кредибилитет на Балканот.

„Денес до Владата од француското претседателство пристигна предлог со идеи кои се однесуваат на нашите jaвно изнесени позиции и ставови во однос на спорот со Република Бугарија. Овој предлог, при чие изготвување се земени предвид нашите позиции и барања, ќе биде ставен на широк консултативен процес. Консулатции во следните денови ќе се прават во Владата, со политичките партии, со Претседателот на државата, Парламентот, како и со граѓанскиот сектор, експертската и севкупна јавност во земјата. По овие консултации ќе се донесе одлука во однос на предлогот“, напиша Ковачевски во својата објава на социјалните мрежи.

Како што вели тој, наспроти шпекулациите на опозицијата, одлуката за нашата иднина ќе се донесе заеднички согласно стратешките интереси на земјата и граѓаните.