Ковид-19 во Македонија: Бројот на активни случаи за еден месец е намален за околу 3.000

0
By on ПОЛИТИКА
Фото: mia.mk

Опаѓа бројот на новозаразени од коронавирусот во земјава. Вчера беа регистрирани 392 инфицирани лица од 4.633 тестови или околу 8,4 отсто. Претходно тој процент беше над 10.

Се намалува и бројот на активни случаи. Ако на почеток на септември во државата имаше над 15.000 активни случаи, сега има 12.240. За претходното деноноќие беа регистрирани и 17 починати, а како што соопшти Министерството за здравство, дополнително во „Мој термин“, пријавени се уште три починати лица во периодот од 12 до 22 септември. Регистрирани сe и 339 оздравени пациенти.

Досега во земјата се направени вкупно 1.274.003 милиони тестови на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 189.551 бројката на оздравени пациенти е 170.734, на починати е 6.577, а бројот на активни случаи изнесува 12.240.
Според епидемиолошки анализи, најмногу активни случаи во моментот има во Скопје – 5689. Следува Куманово со 967, Тетово со 945, Охрид со 502, Гостивар со 490, Кичево со 417, Струга со 364, Велес со 312, Струмица со 310, Прилеп со 304. Во другите градови се помалку од 300, а во Дојран само еден позитивен на ковид-19.
Вакцинацијата во државата се одвива непречено, целосно имунизирани над 714.000 граѓани. Заклучно со завчера, вакцинирани се 781.623 лица, а ревакцинирани 714.135, односно аплицирани се вкупно 1.495.762 дози на ваквина. Прва доза завчера примиле 1.717, а вкупно се вакцинирале 6.897 граѓани, соопшти Министерството за здравство.

Со последните бројки, барем една доза на вакцина имаат примено 55 отсто од населението над 40 години и 31 отсто од населението од 18 до 39 години.

Министерството потсетува дека за вакцинирање на пунктовите не е потребно закажување на термин, а децата од 12 до 18 години се вакцинираат со согласност од родител.

„Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста, се намалува шансата од заболување, како и смртен исход“, информира Министерството за здравство.

Share.