Вкупниот број на заразени лица со коронавирус во светот надмина три милиони, а само во САД се речиси еден милион лица (987.322). Од ковид-19 досега починаа вкупно 207.090 луѓе, активни случаи се 1.913.443 милиони, во тешка состојба се наоѓаат 57.634 лица, а оздравени се 888.552. Најголем дел од смртните случаи (над една четрвтина) се регистрирани во САД – 55.415 луѓе.
Според последните информации, втора земја во светот по бројот на заболебни со ковид-19 е Шпанија во која се потврдени 226.629 дијагностицирани со коронавирусот. Бројот на починати во земјата е 23.190, а поголем број на жртви во Европа само во Италија – 26.644 лица. Италијанските власти моментно бележат вкупно 197.675 заразени, а активни случаи се 106.103.
По Шпанија и Италија, наредна земја по бројот на заболени со ковид-19 е Франција со вкупно 162.100 случаи и 22.856 жртви.
Петта во светот, а четврта во Европа, е Германија со 157.495 заболени и 5.944 починати, а потоа следува Велика Британија со 152.840 заразени и 20.732 смртни случаи. Турција брои 110.130 заразени и 2.805 жртви.
Во првите десет земји по број на заразени се Иран со 90.481 случај на коронавирус и 5.710 починати, Кина со 82.827 заразени и 4.632 смртни случаја и Русија со 80.949 заболени и 747 жртви.
Вирусот ковид-19 се појави во декември во 2019 година во кинескиот град Вухан, во провинцијата Хубеи. Епидемија на вирусот во Кина официјално беше прогласена на 23 јануари оваа година, кога цели градови беа затворени во карантин.