Откажан е говорот на шефот на грчката дипломатија Никос Коѕијас на Факултетот Флечер, на Универзитетот Тафтс во Бостон закажан за денеска, пишуваат грчките медиуми.
Причината Коѕијас да не замине за САД, како што пренесува МИА, е ненадејната промена на позицијата државен секретар во американската администрација и заминувањето на Рекс Тилерсон, бидејќи шефот на грчката дипломатија, планирано било да оствари и средби со американски функционери.
Обраќањето на министерот за надворешни работи на Грција на Универзитетот Тафтс беше најавено од грчки портали во САД, додека пак, на официјалниот сајт на Факултетот Флечер, во најавата за денешниот настан, како главен говорник е грчкиот амбасадор во САД, Харис Лалакос.
Токму патувањето на Косијас во САД, како што напиша пред неколку дена Катимерини би ја одложило посетата на Скопје, за време на која шефот на грчката дипломатија треба да го донесе нацрт договорот за евентуално решение на спорот.
Та неа истиот ден објави дека Коѕијас доаѓа во Скопје на 22 и 23 март.
Патувањето на Никос Коѕијас во САД, не беше никогаш официјално најавено од грчкото МНР.