Пирова победа на Манчестер сити во „лудиот“ фудбалски натпревар на „Етихад“. „Граѓаните“ победија со 4:3 против Тотенхем во реванш четвртфиналниот меч во Лигата на шампиони, но „спарси“ продолжуваат во полуфинале благодарние на минималниот триумф во Лондон во првата средба.
Ливерпул и на „Драгао“ го совлада Порто со 4:1 и се потврди како дел од најдобрата четворка во ЛШ и во оваа сезона. „Црвените“ од „Енфилд“ ќе играат со Барселона за место во големото финале на „Ванда Метрополитано“ во Мадрид, а Тотенхем ќе игра двомеч со Ајакс.
Премиерлигашката пресметка во шампионската лига на УЕФА понуди неверојатен вовед и четири гола за само 11 минути, а до 21. минута беше постигнат и петтиот. Двапати Рахим Стерлинг и еднаш Бернардо Силва погодија за тимот на Пеп Гвардиола, двата за гостите беа дело на Сон за уривање на рекордот на најбрзи пет постигнати погодоци што до вечерва беше во сопственост на екипите на Борусија Дортмунд и Легија Варшава.
https://www.youtube.com/watch?v=xIFvlw31_QQ
Серхио Агеро зголеми на 4:2 во второто полувреме и го поведе Сити кон полуфинале по фантастичниот продор и асистенција на Кевин де Брујн. Но, нов шок во синиот дел на Манчестер приреди Фернандо Љоренте во 73. минута за 4:3. Домашните реагираа за игра со рака на шпанскиот интернационалец, па судијата Чакир мораше на консултации со ВАР технологијата. Меѓутоа по неколкукратно прегледување на снимката, заклучи дека топката заврши зад грбот на Едерсон од колкот на напаѓачот на Тотенхем.
Екстра времето донесе нова „лудница“. Гол постигна Рахим Стерлинг што по прегледување на ВАР снимката беше поништен поради офсајд на Агеро за спласнување на еуфоријата на „Етихад“.
Лига на шампиони, четврт-финале, реванши
Манчестер сити – Тотенхем 4:3 ( прв меч 0:1)
Порто – Ливерпул 1:4 (0:2)
Двојки за полуфинале
Ливерпул – Барселона
Ајакс – Тотенхем