Реал Мадрид е првиот тим што успеа да ја одбрани титулата на Светските клупски фудбалски првенства. Со погодокот на Кристијано Роналдо од слободен удар во 53 минута, „кралевите“ го совладаа бразилски Гремио со 1:0 во финалето во Абу Даби и по третпат го подигнаа трофејот во натпреварувањето по 2014 година и 2016 година.
„Ја посакувавме оваа титула по триумфот во Лигата на шампиони. Од Реал Мадрид се очекува вакво нешто. Имаме искуство, знаеме да играме вакви мечеви и тоа, се чини, беше пресудно“, изјави стрелецот на единствениот гол во мечот за титулата.
Европскиот првак беше подобар ривал од јужноамериканскиот. Имаше 63 отсто посед на топка, а неговите фудбалери упатија 20 удари од кои седум удар во рамки на голот на Гремио во што бразилскиот состав не успеа ниту еднаш на спротивната страна.
Во мечот за третото место, мексиканска Пачука славеше над Ал Џазира со 4:1.
Светско клупско првенство во фудбал 2017 година
Финале: Реал Мадрид – Гремио 1:0
За трето место: Ал Џазира – Пачука 1:4
Досегашни победници на Светските клупски фудбалски првенства
2000 година (домаќин Бразил): Коринтијанс – Васко да Гама 0:0/на пенали 4:3
2005 година (Јапонија): Сао Паоло – Ливерпул 1:0
2006 година (Јапонија): Интернасионал – Барселона 1:0
2007 година (Јапонија): Милан – Бока јуниорс 4:2
2008 година (Јапонија): Манчестер јунајтед – Кито 1:0
2009 година (ОАЕ): Барселона – Естудијантес 1:1/по продолженија 2:1
2010 година (ОАЕ): Интер – Мазембе 3:0
2011 година (Јапонија): Барселона – Сантош 4:0
2012 година (Јапонија): Коринтијанс – Челзи 1:0
2013 година (Мароко): Баерн Минхен – Казабланка 2:0
2014 година (Мароко): Реал Мадрид – Сан Лоренцо 2:0
2015 година (Јапонија): Барселона – Ривер Плата 3:0
2016 година (Јапонија): Реал Мадрид – Кашима Антлерс 2:2/по продолженија 4:2
2017 година (ОАЕ): Реал Мадрид – Гремио 1:0