Кларенс Сидорф го доби и вториот отказ во тренерската кариера. Кинески Шенжен, овојпат, му искажа благодарност за соработката и го ослободи од обврски кон клубот, судбина што Холанѓанецот претходно, ја доживеа и во Милан.
Сидорф го прифати предизвикот на Далечниот исток во летнот период, но, сепак, не остана за долго. Пред него беше поставена јасна цел – пласман во повисок натпреварувачки ранг. Наместо тоа, клубот ја заврши сезоната на деветтото место, па разделбата дојде по само неколку месеци.
Челниците на екипата изразија незадоволство од постигнатите резултати. Иако допрва ќе трагаат по наследник на поранешниот репрезентативец на „лалињата“, дел од медиумите, сепак, шпекулираат дека изборот ќе падне на Швеѓанецот Свен Јеран Ериксон кој е добро упатен во кинеските фудбалски прилики.