Американскиот претседател Џо Бајден го назначи Кристофер Хил за нов американски амбасадор во Република Србија, јави утрово РТС, повикувајќи се на објава на сајтот на Белата Куќа.
Хил своевремено беше американски амбасадор во Република Северна Македонија, но и претставник на САД во групата со чиј дипломатски обид на крај се финализираа преговорите за Косово во Рамбује.
Беше член и на преговарачкиот тим чии напори доведоа до Дејтонскиот мировен договор за БиХ.
Важи за добар познавач на состојбите на Балканот и одлично зборува Македонски, Српски, Полски и Француски јазик.
Хил беше амбасадор на САД, во Ирак, Кореја и Полска како и помошник државен секретар за прашања поврзани со источна Азија и Пацификот како и шеф на американската делегација во преговорите со Северна Кореја.
Хил е професор на Универзитетот Колумбија на катедрата за меѓународни и јавни работи.
Хил во Белград ќе го замени постојниот амбасадот Годфри, кој функцијата амбасадор на САД ја вршеше од ноември 2019 година.