Кривичен на 26 јули ќе пресуди дали има вина за обвинетите нарачатели за 27 април. Судечкиот совет од Скопскиот кривичен суд ќе ја објави пресудата за поранешниот претседател на Собранието, Трајко Вељаноски, ексминистрите Спиро Ристовски и Миле Јанакиески и поранешниот директор на УБК, Владимир Атанасовски кои се теретат за терористичко загрозување на уставниот поредок и безбедност.
Обвинителката Вилма Русковска побара осудителни пресуди бидејќи, како што рече, Обвинителството успеало да докаже дека изготвиле план да го загрозат уставниот поредок и со акти на насилство да оневозможат примопредавање на власта.
Од друга страна, пак, одбраната тврди дека станува збор за случај во кој нема докази дека поранешните функционери биле дел од организаторите на упадот во парламентот и побараа ослободителни пресуди.
Завршните зборови денеска ги даде ексдиректорот на УБК, Владимир Атанасовски, кој се покажи дека МВР не му дозволило да споделува информации и да изведува докази бидејќи она со што може да ја докаже својата невиност е класифицирано како државна или службена тајна.
Во истрагата за овој предмет на списокот со обвинети се најдоа и експремиерот Никола Груевски и поранешниот разузнавач од УБК, Никола Бошковски, но за нив обвинение ќе се подигне кога тие ќе бидат достапни за органите на прогонот.