Под мотото „За Скопје со љубов, дарувај крв – биди хуман“, Црвен крст на град Скопје денеска традиционално организира крводарителска акција во знак на сеќавање на катастрофалниот земјотрес во главниот град.
Крводарителската акција, која е организирана со поддршка на Општинска организација на Црвен крст Кисела Вода и Институтот за трансфузиона медицина, ќе се реалаизира од 9 до 17 часот во Дневниот центар за дарување крв, лоциран во ДХО „Даре Џамбаз“.
– На денот на солидарноста, кога Скопје се сеќава за значењето на истата, ги покануваме граѓаните да бидат дел од крводарителска акција и да ја изразат својата солидарност преку чинот на дарување крв, стои во соопштението од Црвениот крст, од каде дополнуваат дека крводарувањето е сосема безбедно и во услови на пандемија со ковид-19, а самата крводарителска акција ќе биде спроведена со почитување на сите пропишани протоколи за работа.