“Сопрете ја диктатурата на Ердоган”, скандираа илјадници Курди во саботата во повеќе европски градови. Најголем број демонстранти имаше во Келн, Германија, во Париз и повеќе француски градови и во Брисел.

Курдите протестираа против политиката на турскиот претседател Реџеп Таип Ердоган откако во Турција беа уапсени прокурдски политичари и новинари на главниот опозициски весник Џумхуријет.

Овие апсења ја загрижија Европа која во овој чекор гледа тотална чистка на опозиционерите во земјата откако на 15 јули во Турција имаше пуч. Шефицата на ЕУ дипломатијата изјави дека ЕУ  е екстремно загрижена поради настаните во Турција а Берлин го повика вршителот на должност во турската амбасада да му ја пренесе загриженоста.

Во Келн имаше 6.500 луѓе на протестот. Тие маршираа низ центарот на градот со пароли за поддршка на турската прокурдска партија.

Во другите германски градови се собраа околу 2.000 луѓе во Штутгард и Карлсруе.

Во Германија живее најбројната курдска заедница во Европа, милион луѓе. Но исто така и најбројната турска заедница во Европа. Полицијата стравуваше дека може да дојде до конфликт помеѓу двете заедници со оглед на поддршката која Турците му ја даваат на Ердоган.

Во Франција протестираа 2.000 лица во Париз, 800 луѓе во Рен и 300 во Марсеј.

Во Брисел 300 луѓе излегоа на улица да протестираат.

Денес имаше протести и во Истамбул но полицијата ги избрка присутните со солзавез и водени топови.