На прес-конференцијата потпаролката на СДСМ, Богданка Кузеска изјави дека СДСМ вчера покажа дека сите напумпати анкети не се точни, дека ниту имаат некаков рејтинг, ниту дека разликата е 2:1. „Напумпаните бројки на ДПМНЕ се покажа дека немаат никаква врска со реалноста“, додаде таа.
„За еден ден СДСМ собра преку 22.000 потписи за кандидатурата на Стево Пендаровски а ДПМНЕ собра само 2-3 илјади потписи повеќе за Силјановска. СДСМ за еден ден ги собра потписите иако организираше и осмомартовски марш со над 6.000 луѓе и Конгрес каде што ја потврдивме кандидатурата на Пендаровски. СДСМ покажа организациска и теренска супериорност“, соопшти потпаролката Кузеска.
За изборот на Пендаровски за втор мандат Богданка Кузеска рече дека тоа значи стабилност и членство во ЕУ. „Претседател без ниту една афера, кој нема да отстапи од правилните принципи и кој се грижи за сите граѓани еднакво“, нагласи Кузеска.