Црвена звезда и Динамо Загреб ќе патуваат без предност на реваншите против Копенхаген, односно, Ференцварош во третото квалификациско коло за Лигата на шампиони на УЕФА.
Српскиот првак одигра 1:1 во Белград против Копенхаген. „Црвено-белите“ поведоа со голот на Милан Павков во 44. минута, гостите од Данска израмнија со паненка пеналот на Јонас Винд во 84. минута.
Идентично беше и на „Максимир“ каде Динамо Загреб ремизира (1:1) со Ференцварош. Водство за „модрите“ обезбеди Дани Олмо во седмата минута што го поништи Давид Сигер во 60. минута. Аријан Адеми одигра цел натпревар за домашната екипа.
Сутјеска, пак, загуби од Линфилд во Подгорица со 1:2 во првиот меч од третата рунда на квалификации за Лига Европа. Стрелец за црногорскиот шампион беше екс вардарецот Дамир Којашевиќ во 11. минута, двата погодока за северноирскиот клуб беа дела на Кирк Милар в0 38. минута, односно, 65. минута. Милован Петровиќ, кој неодамна го напушти Работнички, не дочека да дебитира за „сино-белите“ од Никшиќ.
Резултати од првите мечеви во 3. квалификациско коло за ЛШ
Црвена звезда – Копенхаген 1:1
Динамо Загреб – Ференцварош 1:1
Бриж – Динамо Киев 1:0
ПАОК – Ајакс 2:2
АПОЕЛ – Карабаг 1:2
Среда
Краснодар – Порто
Башакшехир – Олимпијакос
Базел – ЛАСК Линц
Клуж – Селтик
Марибор – Розенборг
Резултати од првите мечево во 3 квалификациско коло за ЛЕ
Сутјеска – Линфилд 1:2
Рига – Хелсинки 1:1
Арарат – Сабуртало Тбилиси 1:2