Шкупи и Работнички ги завршија настапите во квалификациите за Лига Европа (ЛЕ) уште во воведната рунда. Чаирчани одиграа без голови на „Телеком арена“ во реваншот со Глазгов Р., но патник во второто коло е шкотскиот великан благодарение на триумфот во првиот меч на „Иброкс“ со 2:0.
Со елиминација се соочи и Работнички и покрај победата со 2:1 во првата средба со Хонвед. Унгарскиот претставник ги порази дебармаалци со убедливи 4:0 на својот „Јожеф Божик“ стадион во Будимпешта и се проби во наредното коло.
Од 20 часот во Велс, Шкендија го игра реваншот со ТНС во првото квалификациско коло за Лигата на шампиони. Тетовци имаат големи 5:0 од првиот меч во Скопје.
Во четврток од 19 часот на „Телеком арена“ ќе игра и Вардар против Пјуник во првото коло за ЛЕ. „Црвено-црните“ ќе бркаат негатива од еден гол со оглед на минималниот триумф (1:0) на ерменскиот тим во Ереван.