Лекарот од Клиниката за токсикологија кој вчеравечер околу 19.30 беше прободен со нож од непознато лице е во стабилна состојба и надвор од животна опасност.
МИА објави дека лекарот е 48-годишниот Н.З. од Слупчане, кумановско.
Како што објави НОВА синоќа, лекарот бил нападнат пред влезот на Клиниката, а непознатото лице му нанело две убодни рани.
Тој се наоѓа на Клиниката за дигестивна хирургија.
-Од непознато лице колегата е прободен на влезот во Клинички. Тој требаше да биде дежурен ноќта и смената му почнуваше од 20 часот. Според информациите што ги имаме тој е надвор од животна опасност, изјави Нико Беќароски, директор на Клиниката за токсикологија.
Од Министерството за здравство за НОВА рекоа дека се во контакт со МВР, се испитува случајот, а полицијата работи на пронаѓање на напаѓачот. Неофицијално, станува збор за лична пресметка поради нерасчистени односи.