Лекарската комора на Македонија тврди дека преговорите до Фондот за здравствено осигурување за договорите за плаќање на лекарите од примарната заштита не се прекинати. реакцијата следува по изјавата на претседателката на здружението на приватни лекари Лилјана Чолакова Дервишова, дека преговорите се прекинати поради незадоволство од предлозите. Поради тоа приватните лекари кои имаат договор со ФЗОМ, протестираа денеска по половина час пред подрачните единици на ФЗОМ во повеќе градови во државата.
-Делегација на Лекарската комора на Македонија во која беа претставници на Комисјата за следење на промените во здравствениот систем и на повеќе здруженија од примарната здравствена заштита (педијатри, гинеколози и лаборатории) денеска ги почна преговорите со Фондот за здравствено осигурување на Македонија за договорите за извршување и плаќање на здравствените услуги во примарната здравствена заштита. Во исклучително конструктивна атмосфера беше истакнато дека и Фондот и докторите се подготвени низ дискусија да се најде најсоодветното решение во рамките на законската регулатива и буџетот на ФЗОМ, за давателите на услугите , но пред за корисницитте, односно осигурниците и граѓаните на Р.Македонија, се вели во соопштениео од Лекарската комора.
Оттаму велат дека на денешната средба со со директорите на ФЗОМ, Ден Дончев и Орхан Рамадани, како и со раководителите на секторите во Фондот е договорено продолжение на оваа средба да се одржи веќе во текот на наредната недела.