„Лесја Украинка“ повикува на митинг за одбележување една година од воените злосторства во Буча, Украина

Здружението „Лесја Украинка“ организира митинг за одбележување една година од воените злосторства во Буча, Украина, утре, кај споменикот на Тарас Шевченко во паркот „Жена борец“, со почеток во 16:30 часот.

Украинската војска кон крајот на март минатата година повторно ги зазеде малите градови Ирпин и Буча во близина на главниот град Киев. Меѓународните истражители собираат докази во Ирпин, Буча и други места каде што руските трупи извршија невидени воени злосторства од големи размери.

ЦИВИЛ се придружи кон повикот на „Лесја Украинка“ и ги повика граѓанките и граѓаните да го одбележат овој тажен датум и да испратат порака со осуда на воени злосторства во Украина.