Енис Барди го постигна и третиот гол во дебитантската сезона во Примера. Македонскиот репрезентативец стави точка на убедливата победа на Леванте на домашен терен против Реал Сосиедад со 3:0 во последниот меч од петтото коло во шпанскиот фудбалски шампионат. Претходно погоди и во нерешените исходи со Депортиво ла Коруња (2:2) и со Валенсија (1:1).
Барди беше стартер кај Леванте и одигра цел натпревар со ривалот на Вардар во групата Л во Лига Европа. Во листата се запиша во 89 минута на начин типичен за него, од слободен удар што го изведе беспрекорно за потврда на трите бода на екипата од Валенсија.
Со биланс од две победи, три реми и вкупна гол разлика 9:3, екипата на Леванте е петта на табелата со девет бода колу што имаат и Реал Сосиедад и Бетис. Лидер е Барселона со 15 бода пред Севилја со 13, Атлетико Мадрид со 11 и Валенсија со 9.
Барди и соиграчите во наредното коло ќе гостуваат на стадионот „Бенито Вилјамарин“ во Севилја на тимот на Бетис.
https://www.youtube.com/watch?v=iUhDq1TCawg
Примера, 5 коло
Леванте – Реал Сосиедад 3:0
Селта – Хетафе 1:1
Вилјареал – Еспањол 0:0
Севилја – Лас Палмас 1:0
Реал Мадрид – Бетис 0:1
Депортиво ла Коруња – Алавес 1:0
Леганес – Џирона 0:0
Атлетик Билбао – Атлетико Мадрид 1:2
Барселона – Еибар 6:1
Валенсија – Малага 5:0
Табела: Барселона 15, Севилја 13, Атлетико Мадрид 11, Валенсија 9, Леванте 9, Реал Сосиедад 9, Бетис 9, Реал Мадрид 8, Вилјареал 7, Атлетик Билбао 7, Леганес 7, Лас Палмас 6, Еибар 6, Хетафе 5, Џирона 5, Еспањол 5, Селта 4, Депортиво ла Коруња 4, Алавес 0, Малага 0.