Според „Левица“, целта со приведувањето на професорот Здравко Савески е да се угуши народниот револт кој станува се помасовен.
– Се работи за отворен политички прогон против неистомислениците кој доаѓа после најавите на некои граѓански движења да се забранат, да се стават надвор од правниот поредок некои партии и тие веќе се остваруваат, потенцираше Димитар Апасиев од партијата.
Левица во моментов располага само со неофицијални информации, односно дека Савески се товари за учество во толпа за што му се заканува парична казна како и затворска.
– Левица најостро се спротиставува на ваквиот политички прогон. Уште за четворица наши членови веќе се пристигнати покани за информативен разговор, дополни Апасиев.
Од Левица упатија три пораки:
1. До министерот и заменик министерот за внатрешни работи да ги евидентираат но да не ги процесуираат овие кривични пријави додека не заврши оваа политичка криза;
2. Јавното обвинителство да не бара притвори за овие предмети и
3. До судијата, не до судот, туку конкретниот судија кај кого ќе се падне овој предмет под ниту еден основ да не оределува мерка притвор, туку да остави правдата да се спроведува без суптилни притисоци.
Според Маријан Ристески од партијата, тие имаат информации дека уште 12 членови на Левица биле цел за приведување.
Тој порача дека со секој притворен власта превизвикува контраефект, односно дека протестите ќе бидат се помасовни.