Партијата Левица потенцира дека ангажманот на членот на партијата, д-р Бранимир Јовановиќ, во Министерството за финансии во новата влада, не значи дека Левица влегува во Владата.
– Сакаме да укажеме дека Левица не учествува во новата Влада и дека ангажманот на Бранимир Јовановиќ во Министерството за финансии е како економски експерт, врз основа на неговата претходна врвна работа како економист. Нашиот став е дека оваа Влада е составена од личности со заемно противречни погледи за економијата и општеството, а единственото добро што произлегува од формирањето на Владата на Заев е тоа дека престана автократското, криминогено владеење на ВМРО-ДПМНЕ, што не е мала работа, но е недоволна за надминување на горливите проблеми, се вели во соопштението на Левица.
Оттаму нагласуваат дека посакуваат Јовановиќ да придонесе кон остварување на политичките погледи и заложби, кои се во интерес на работниците, сиромашните, младите и другите маргинализирани групи.