Лидерите на групата Г-7 во недела ќе одржат видео-конференција со украинскиот претседател Володимир Зеленски, изјави портпаролката на германската влада. „Германскиот канцелар Олаф Шолц ќе ја одржи третата видео-конференција од почетокот на годината со своите партнери од Г-7“, изјави Кристијане Хофман за новинарите на редовниот брифинг со новинарите во Берлин.
Германија во моментов претседава со Г-7.
Хофман понатаму рече дека 8 мај е „историски датум кој го означува крајот на Втората светска војна во Европа“. „Ќе ги опфатиме актуелните прашања, особено ситуацијата во Украина. Украинскиот претседател Зеленски ќе учествува и ќе известува за моменталната ситуација во неговата земја“, рече портпаролката.
Германскиот канцелар, исто така, ќе има телевизиско обраќање до германската нација вечерта на 8 мај, рече Хофман, додавајќи дека 8 мај оваа година има посебно значење бидејќи двете земји кои некогаш беа жртви на нацистичка Германија сега се во војна една против друга.