Македонската фудбалска репрезентација е на бод до бараж за Европското првенство во 2020 година. Вечерва во Вадуц, националниот тим го совлада Лихтенштајн со 2:0 и остана на плус три од Ерменија во пресрет на мечевите од последното коло во групната фаза. Трите бода на „Реин парк“ беа заверени во второто полувреме. Енис Барди во 53. минута го претвори во гол слободниот удар што го изнуди Горан Пандев, Илија Несторовски, по асистенција на Александар Трајковски, стави печат на четвтриот триумф во циклусот.
„Целта ја остваривме. Дојдовме по трите бода и ги освоивме и тоа е најважно иако можевме да одиграме и подобро. Голот на Барди во голема мера ни ја олесни работата. Лихтенштајн одигра добар меч“, рече селекторот Игор Ангеловски.
Аријан Адеми, како што рече Ангеловски, отпадна од комбинација поради тахикардија и несоница, Стефан Спировски поради повреда на коленото мораше да излезе од игра по 7-8 минути од влегувањето на терен. Македонија во понеделник (20.45 ч.) на арената „Филип Втори“ ќе биде домаќин на Гибралтар во последното коло, но без Горан Пандев кој ќе мора да паузира поради жолти картони, па капитенот ќе мора да почека на јубилејниот 100. настап во националниот дрес.
Во вториот меч во групата, Ерменија славеше на гостувањето кај Гибралтар со 6:2.
Лига на нации
Резултати, 5 коло
Лига А
Група 1: Холандија – Франција 2:0
Табела: Франција 7, Холандија 6 (-1), Германија 1 (-1).
Лига Б
Група 1: Словачка – Украина 4:1
Табела: Украина 9, Чешка 3 (-1), Словачка 3 (-1).
Група 4: Велс – Данска 1:2
Табела: Данска 7 (-1), Велс 6, Република Ирска 1.
Лига Ц
Група 3: Кипар – Бугарија 1:1, Словенија – Норвешка 1:1
Табела: Норвешка 10, Бугарија 10, Кипар 5, Словенија 2.
Лига Д
Група 4: Лихтенштајн – Македонија 0:2, Гибралтар – Ерменија 2:6
Табела: Македонија 12, Ерменија 9, Гибралтар 6, Лихтенштајн 3.