Порто и Шалке се осминафиналисти во Лигата на шампиони од групата Д, Галатасарај ќе продолжи во нокаут фазата во Лига Европа, а Локомотива Москва ќе може да се посвети на настапите во руската Премиерлига во вториот дел од сезоната.
Португалскиот претставник славеше над турскиот со 3:2, во Истанбул, и со 16 бода го израмни сопствениот најдобар ефект во групите во ЛШ од сезоната 1996/97 кога беше во група со Розенборг, со Милан и со Гетеборг.
https://www.youtube.com/watch?v=l75kmmRdlEc
Фејгули во надополнувањето на првото полувреме погоди од белата точка за Галатасарај, вториот гол беше дело на Дердијок во 65 минута. Истиот фудбалер две минути подоцна не успеа да искористи уште една најстрога казна за домашните. Фелипе во 17. минута, Марега во 42. минута од пенал и Оливеира во 57. минута беа стрелци за екипата од „Драгао“.
Шалке, пак, во Гелзенкирхен ја совлада московска Локомотива со 1:0 со голот на Шоф во првата минута од судиското екстра време на средбата.
https://www.youtube.com/watch?v=IavuDDgcs-c
Лига на шампиони
Лига Д, 6 коло
Галатасарај – Порто 2:3
Шалке – Локомотива Москва 1:0
Табела: Порто 16, Шалке 11, Галатасарај 4, Локомотива Москва 3.