Многу милијардери загубија дел од своето богатство поради турбулентната година, а со најголем минус меѓу нив е директорот на компанијата „Фејсбук“, Марк Цукерберг, кој скандалите и лошиот публицитет го плати со 18,7 милијарди долари, објави магазинот Форбс.
Директорот на компанијата „Амазон“, Џеф Базос, пак, е најголем добитник. Неговото богатство нарасна за 27,9 милијарди долари и сега се проценува на 126,2 милијарди долари.
По Безос е јапонскиот милијардер Ташади Јанаји, кој благодарение на своите акции во компанијата „Уникло“ ја завршува 2018 година со плус седум милијарди долари.
На трето место е извршниот директор на нафтената компанија „Лукиол“, Вагит Алекперов, кој брои добивка од 4,6 милијарди долари.
На листата губитници втор е Аманасио Ортега, основачот на компанијата „Индитекс“, која е одговорна за брендовите „Зара“, „Бершка“, „Масимо Дути“, кој изгуби 16,2 милијарди долари, поради лошите деловни извештаи.
Џорџ Шефлер, основачот на „Шефлер автомобили“ годинава изгуби 14 милијарди долари. Како што наведува Форбс, падот на продажбата на возила во Европа и во Кина очигледно влијаеше на производителот на гуми и автомобилски делови.