По еден месец од локалните избори што беа спроведени на 30 јуни, Централна изборна комисија ЦИК) на Албанија ги соопшти конечните резултати. На финалниот состанок на ЦИК на кој се правела и анализа на изборниот процес, имало несогласувања пришто претседателот на Комисијата, Клемент Згури, одбил да се потпише на конечниот записник.
„ЦИК во овој изборен процес меѓу транспарентност и камуфлирање, законски и двојни стандарди, законитост и самоволие, неутралност и јасна политичка едностраност, го избра второто“, обвини Згури.
За разлика од него потпретседателот на комисијата, Денар Биба смета дека на овие избори победил Уставот. Според конечните резултати, правото на глас на 30 јуни го искористиле 811.727 албански граѓани или 22,96 отсто од вкупниот број запишани во единствениот избирачки список.
Апсолутен победник на изборите, на кои не учествуваше главната опозициска партија, е владејачката Социјалистичка партија на Албанија (СПА) на премиерот Еди Рама. Во 60 од 61 општина ќе раководат нејзини кадри, а само во една победи кандидат на „МЕГА“, партија на припадниците на грчкото малцинство. Меѓу победниците на овие локални избори и Пали Колефски, кој е нов градоначалник на Пустец.
Кога станува збор за Советите на општините – 74,11 отсто од советниците или 1.136 доаѓаат од СПА. Партијата на поранешниот шеф на албанската дипломатија, Паскал Миљо е втора со 3,66 отсто добиени гласови што ` носат 79 советнички мандати. Ниту еден глас на добила Националната конзервативна партија на Кујтим Ѓузи што значи дека не гласал ниту самиот тој.