Зоран Иванов
Ги враќа ли ова ДПМНЕ почетните деведесети кога подземно работеше во тројки, кога, ги вадеше кубурите комитски, кога им ги сечеше ноктите на орлите и кога ги бесеше србите на врбите?
Вчера, пред немуштиот тв водител во едно практично соло интервју, премиерот наш насушен, кој себеси пред камерите се самоименуваше како Мицко, фрли грст закани налик на оние што вмро ги чифташе почетните деведесети.
Закани до интерпелацираните членови на Судскиот совет да си заминат бргу и доброволно за да не им се случел народ.
Ваква нахалност би требало да е резултат на неговото ново нормално. Очигледно така нашиот премиер ја сфаќа политичката моќ.
Само што, при тоа, галиба не разбира дека таа, моќтта, не му е наследена од династија туку му е одредена изборно од граѓаните и дека е и минлива и менлива.
Нејсе, карактер.
Туку, оставки или ќе им се случел народ.
Членовите на Судскиот совет, претпоставувам, ќе си поднесат оставки.
Ќе си заминат зашто во реално, во амбиент на неконтролирана моќ, не ќе можатат да се справат со долгата рака на вмро.
Имаат деца, родители, сопрузи, сопруги.
А пред налетот закани дека ќе им се случи народ, нема механизам, нема институција која може да ги заштити од вакви методи со праќање пораки до тврдокорните послушни поддржувачи.
Едноставно, нема лична заштита од владеење како во најцрните тоталитаризми кога револуциите и мракот на длабоките држави ги јаделе своите деца.
Ќе им се случел народ, ќе го предводел Тој.
Всушнот, единствено што од народ може да се случи, ќе се случи народ партиски.
Ќе се случи онака спонтано, со автобуси и сендвичи.
Премиере, изгледајте си го интервјуро кое всушност и не беше интервју туку Ваш монолог полн со паушални херојства и лажни гордости.
И, што всушност е првата тема на овие неколку реда, на закани од позиција на која само времено сте.
Толку.
Туку, соберете троа доблест да им се извините и на интерпелациираните членови на судскиот и на тв гледачите.
Има денови кога едноставно не ни оди.
Тоа.
А раката на вмро?
Па, па толку долга – баш и не е.