Телефонскиот број на францускиот претседател, Емануеал Макрон и на уште на 13 други претседатели на држави и на Влади, се најдоа на спсокот на шпионскиот софтвер „Пегаз“, објави Гардиан. Според медиумот, Макрон бил селектиран како личност од интерес од Мароко во 2019 година.
Макрон не е таргет на ниту еден од клиентите, тврдат од НСО Груп. Компанијата негира дека тој бил избран за шпионирање преку софтверот „Пегаз“, бидејќи според нив со стамото тоа што се појавил на списокот не значи дека бил следен преку софтвер.
И актуелниот претседател на Советот на Европската Унија, Шарл Мишел бил селектиран како личност од интерес од Мароко во 2019 година, во период кога беше премиер на Белгија.
На листата за шпионирање, се најде и претседателот на Јужна Африка, Сирил Рамафоза, селектиран од Руанда во 2019 година. Се шионирал и пакистанскиот премиер Имран Кан, кој од Индија бил селектиран како личност од интерес во 2019 година.
На листата кои се следени има дипломати, воени началници и високи политичари од 34 земји. Меѓу објавените телефонските броеви, се јавуваат броеви селектирани од Влади коишто се клиенти на израелската компанија НСО Груп, која работи со опрема за разузнавање, што јавува сомнеж дека се работи за хакерски напад, но од компанијата уверуваат дека објавената датабаза нема никаква поврзаност со нив.
Инаку, софтверот може од далечина да влезе во било кој мобилен телефон преку инсталација на нови апликации како што се „Viber“ и „WhatsApp“. Тој добива пристап до сите инфомации, вклучувајќи телефонски броеви и документи, а корисникот на телефонскиот уред не може да го забележи тоа. Софтверот може да следи и преку „GPS“ системот, да снима преку камера и да прислушува преку микрофонот. Софтверот „Пегаз“ ги напаќа „Android“ и „iOS“ системите на смарт телефоните.