Премиерот Едуар Филип ги повика министерот за внатрешни работи Кристоф Кастане и државен секретар Лорaн Нуњез на кризен состанок по вчерашното насилство на Елисејските полиња за време на демонстрациите на „жолтите елеци“.
„Ќе бидат преземени дополнителни мерки за одржување на редот и мирот. Тоа нема да биде нов закон, но мерки ќе има“, рече министерката за здравство Агнес Бузан во неделното интервју за РТЛ-Фигаро-ЛЦИ .
Министерката додаде дека саботните насилници „дејствувале во мали групи и дека било многу е тешко да се приведат”.
Целта на денешниот состанокот е да се работи на мерките најавени од страна на претседателот на Франција, Емануел Макрон кој го прекина својот викенд на скијање за да се врати во Париз по насилствата.
„Денес имаме луѓе кои се обидуваат со сите средства да ѝ наштетат на Републиката за да ја скршат, ризикувајќи и да убиваат. Многу нешта се направени од ноември, но денешниот ден покажува дека со овие случаи не сме направиле се, призна тој .
За, Макрон „сите оние кои биле на демонстрациите биле соучесници” во уништувањето на дел од Шанзелизе. Шефот на државата вети дека набрзо ќе предложи „силни, дополнителни мерки”.
Опозицијата и градските власти на Париз бараат од владата и претседателот конкретни мерки за да му се стави крај на насилството, но и да се даде соодветен одговор на барањата на жолтите елеци.
Во притвор во Париз се 200 луѓе, по саботата, обележана со насилството на Шанзелизе, каде 80-на луксузни продавници беа оштетени.