Манчестер Јунајтед се препороди по отказот на Жозе Мурињо и ангажманот на Оле Гунар Солскјер. „Црвените ѓаволи“ под водство на Норвежанецот имаат шест победи во исто толку одиграни мечеви што е најдобар старт на еден менаџер во историјата на клубот од „Олд Трафорд“.
Двете страни потпиша договор за соработка до крајот на сезоната, а доколку премиерлигашот изрази желба да го задржи се обврза дека ќе треба да плати отштета на Молде од девет милиони евра. Во изјава за британски Скај, тој порача до навивачите да не очекуваат засилувања во екипата во актуелниот трансфер период.
Солскјер пред јавноста сподели една добра и една лоша вест. Добрата е враќањето на Алексис Санчез кој целосно ги надмина проблемите со повредата, а на добар пат за враќање во првиот тим се и дефанизвците Крис Смолинг и Маркос Рохо. Чилеанецот, речиси, да не покажа ниту дел од своите можности во дресот на Јунајтед под водство на Мурињо, но затоа денеска против Брајтон по третпат ќе добие минутажа од Солскјер.
За разлика од него, на трибини се сели Маруан Фелаини. Белгискиот репрезентативец или „икс фактор“ како што го нарекуваат има повреда на мускулот на ногата и прогнозите се дека ќе паузира еден месец.
Во контекст на добрите вест од „Олд Трафорд“ се надоврза и управата на клубот која објави дека е пред потпис на нов договор со крилниот француски напаѓач Ентони Марсијал според кој ќе остане во Манчестер јунајтед до 2024 година.