Published: Wednesday, December 22, 2021 15:15
Одлуката на Апелацискиот суд во Скопје да го пушти од притвор Сашо Мијалков ја намалува и онака разнишаната доверба на граѓаните во судовите, реагира министерот Бојан Маричиќ, откако Апелацискиот суд денеска ја прифати гаранцијата од над 11 милиони евра за да Мијалков излезе од притвор.
„Потсетувам дека Мијалков беше лице под реален ризик за бегство и повод за настани кои ја вознемирија целата македонска јавност. Судиите на Апелациониот суд во Скопје Ѓоко Ристов и Енвер Беџети кои ја донесоа оваа одлука треба да и објаснат на јавноста на кој основ ја донеле ваквата одлука и на кој начин ќе ја преземат одговорноста доколку се случи повторно ризик од бегство. Судот иако е независен, должен е јавно да ги објаснува своите одлуки за да можат граѓаните да веруваат во судството. Апелирам до Судскиот совет да испита по кој основ судиите ја донеле оваа одлука“, порача министерот Маричиќ.
Гаранцијата од над 11 милиони евра, се состои и во недвижен и во подвижен имот.
Поранешниот шеф на УБК, ќе излезе од притвор, откако имотот што е приложен во гаранцијата ќе биде ставен под хипотека.