Либералот Марк Руте потворно и по трет пат ќе биде премиер на Холандија.

Партијата на Руте ВВД победи на последните избори на 15 март иако загуби 8 места во Парламентот. Во новата коалиција влегуваат демо-христијаните ЦДА, прогресивните либерали од партијата Д66 и малата евангелистичка партија Здружени христијани. Оваа партија беше повиката во коалицијата откако пропаднаа преговорите со партијата на зелените околу мигрантите.

Оваа хетероклитна коалиција има кусо мнозинство од 76 седишта од вкупно 150 колку што брои холандскиот Парламент па прашањето е колку време ќе може да трае оваа влада.

Освен кусото мнозинство, партиите во коалицијата се разликуваат по многу нешта. Така на пример Д66 е прогресивна по многу етнички и општествени прашања додека демо-христијаните од ЦДА се против абортус и еутаназија. Д66 е партијата со најевропски ставови додека ЦДА беше поддржувач на излез од Холандија од ЕУ и еврозоната.

Опозицијата во Холандија ќе биде силна. Во неа влегуваат социјалистичката партија која претставува радикална левица и лабуристите од ПвдА кои загубија многу гласови на изборите. Во опозиција се и популистите, исламофоби и анти-ЕУ на Герт Вилдерс од ПВВ.

Изборите во оваа земја се одржаа пред 209 дена со што беше урнат холандскиот рекорд на период без влада. Последниот датира од 1977 година. Европскиот рекорд го држи Белгија со период од 541 ден без влада по последните парламентарни избори.