Дмитриј Медведев, поранешниот руски претседател и долгогодишен сојузник на Валдимир Путин, утринава реагираше на вестите дека Финска и Шведска се поблиску до барање членство во НАТО. Тој објави на Телеграм пораки што ги подели во повеќе поенти.
Тој рече: „Во контекст на војната што ја започнаа западните земји со Русија преку Украина, сакам уште еднаш многу јасно да ги артикулирам работите кои се веќе толку очигледни за сите разумни луѓе. Пумпањето на Украина со оружје од страна на земјите на НАТО, обуката на нејзините војници да користат западна опрема, испраќањето платеници и спроведувањето вежби од земјите на Алијансата во близина на нашите граници, ја зголемуваат веројатноста за директен и отворен конфликт помеѓу НАТО и Русија наместо нивната „војна преку трета страна. Таквиот конфликт секогаш има ризик да се претвори во полноправна нуклеарна војна. Ова ќе биде катастрофално сценарио за сите“.
Медведев заврши со тоа што го повика Западот „не лажете се себе си и другите“ и „не се задушувајте во сопствената плунка во русофобијата!“