МВР денеска објави меѓународна потерница за третиот осомничен за убиството на Никола Саздовски, Јетон Љужа.

Потерницата е распишана откако Љужа бил баран на неколку локации во Скопје.

Останатите двајца осомничени се во притвор и се очекува да бидат однесени на распит во Обвинителството кое пред десетина дена, го преквалификува делото во истрагата од насилство во  убиство на свиреп начин.

Според пријавата од полицијата, Б.Б., С.Д, како и Ј.Љ (19) сите од Скопје, на 29 минатиот месец околу 17:30 часот во Скопје на автобуска постојка на булевар „Александар Македонски“ пријавените физички го нападнале Н.С., по што тој бил пренесен во Клинички центар „Мајка Тереза“ Скопје. По десет дена претепаното момче им подлегна на повредите.