Авганистанскиот авиопревозник „Аријана Ерлајнс“ соопшти дека од денеска продолжува до летови на домашните релации.
Добивме зелено светло од талибанците и планираме денеска да продолжиме на летаме, изјави Тамим Ахмади, висок службеник на авиокомпанијата, за АФП.
Катар во последните денови забрзано работи со талибанците за повторно отворање на меѓународниот аеродром, а технички тим од земјата во средата пристигна во Кабул, пренесува „Би-Би-Си“.
Меѓународниот аеродром во Кабул беше затворен за патнички сообраќај по заземањето на главниот град на Авганистан од талибанците на 15 август, а за секаков сообраќај беше затворен од понеделникот кога полета и последниот американски авион за евакуација.