Ермира Мехмети, пратеничка од претходниот состав од Демократската унија за интеграција, на својот профил на Фејсбук напиша дека поднела оставка од сите функции кои ги имала во партијата.
„Би сакала да ве известам дека мојот мандат како пратеник во Собранието на Република Македонија завршува денес. Во текот на изминатите осум години ми беше чест и обврска да ви служам и да работам за решавањето на проблемите во државата, како и за реализацијата на вашите потреби. Исто така, сакам да ве известам дека поднесов оставка од сите мои политички функции во Демократската унија за интеграција. Почнувајќи од денес, јас, Емира Мехмети, јас сум слободен граѓанин и не претставувам ниту една партија“, напиша Мехмети на својот профил на Фејсбук.
Собранието денеска со 118 гласови „за“ ги верификуваше мандатите на новите пратеници. Мехмети не се најде на листата на кандидати за пратеници на ДУИ за предвремените парламентарни избори кои се одржаа на 11 декември.