Народниот правобранител денеска излезе на прес-конференција, разочаран од тоа што Собранието не ги изгласа мерките за подобрување на човековите права кои потоа требаше да ја задолжат Владата да работи по нив.

„Собранието требаше да утврди мерки за определување и спроведување на мерките од извештајот на Народниот правобранител, а Владата според новиот закон, требаше после шест месеци да даде отчет пред Собранието, колку и во која мера се испочитувани мерките. За жал пратениците не успеаја“, рече Мемети.

Тој рече дека ќе побара од Владата да ги стави мерките на седница и да ги задолжи државните органи да ја поправат состојбата.

„По шест месеци ќе барам да ме информира Владата до каде е остварувањето на мерките кои што се предложени“, Мемети, револтиран што вчера иако имало, како што рече, над 61 пратеник присутни во собраниската сала, извештајот за состојбата со човековите права и слободи и пакетот мерки за нивно подобрување пратениците не го изгласаа.

Тој рече дека токму Собранието е тоа кое што треба да му биде најголема потпора на Омбудсманот за да ги подобруваат ситуациите во општеството и да бидат гарантори дека Владата работи според нивните препораки.

Народен правобранител: 1.523 повреди на човековите слободи и слободи

Мемети наведе неколку мерки, а меѓу нив бара да се избришат гумените куршуми и електричниот парализатор како средства за присилба што ги користи полицијата.

Од областа на судството, побарал на Управниот суд да му се помогне да одлучува полесно и побрзо.

Народниот правобранител, меѓу другото, исто така побарал извршителите да не смеат да блокираат трансакциски сметки во банка, додека за затворите бара да се подобрат условите, да се подобри безбедноста во затворите и да се подобрат здравствените услови.