Германскиот канцелар Фридрих Мерц денеска потврди дека Германија нема да се приклучи во војната меѓу Соединетите Американски Држави и Израел против Иран. Како клучни причини тој ги наведе недостатокот на потребен мандат и фактот дека сојузниците не се консултирале со Берлин пред почетокот на конфликтот, јави „Дојче веле“.
На прес-конференција во Берлин, Мерц објасни дека таквата одлука се темели на германскиот Устав.
Според нашиот Основен закон, потребен е мандат од Обединетите нации, Европската Унија или НАТО, а ние го немаме. Затоа од самиот почеток беше јасно дека ова не е прашање за НАТО, НАТО служи за одбрана, а не за напади, рече канцеларот.
Тој исто така нагласи дека Германија не била вклучена во одлуките што му претходеле на конфликтот.
САД и Израел не се консултираа со нас пред оваа војна. Никогаш немало ниту заедничка одлука дали воопшто да се дејствува против Иран. Затоа, прашањето за германско воено вклучување воопшто не се поставува, заклучи Мерц.