Владата на поранешната канцеларка Ангела Меркел при напуштањето на позицијата, одобрила извоз на германско вооружување тежок милијарди евра, и тоа на земја која учествува во оружени конфликти. Оваа зделка , ја чинат Меркел канонада критики од пратеничкиот клуб на левицата.
Во последните девет дена од мандатот на Владата на Меркел одобрен бил извоз на вооружување и на воена опрема во вредност од околу 5 милијарди евра, Со тоа волуменот на извозните дозволи за вооружување се зголеми за над 9 милијарди евра годинава што е рекорд за Германија.
Овие податоци ги изнесе Министерството за економија на прашање на пратеничка од Левицата, Севим Дагделен.
Далеку најголемиот нарачател на германското вооружување е Египет кој е под сомневање дека ги крши човековите права со учество во судирите во Јемен и Либија.Само на Египет, последните денови од мандатот на Меркел, му е одобрена набавка од преку 4 милијарди евра.
Како што откри весникот Шпигел во прашање се три воени фрегати кои ги прави Германија „ Тисенкруп“ како и 16 системи за противвоздушна одбрана од фирмата „Дил дифенс“.
Поради ова „настрада“ и новиот канцелар Олаф Шолц, на кого левицата му рече дека овој договор ќе му биде тежок товар за штотуку почнатиот канцеларски мандат, зашто во тоа време бил Министер за финансии и вицеканцелар.