Рејтингот на конзервативниот блок на германската канцеларка Ангела Меркел и на социјал-демократите пораснал за време на дискусијата за формирање нова голема коалиција.
Ова го покажуваат резултатите од испитувањето што го изврши агенцијата „Емнид“, по нарачка на „Билд ам Зонтаг“.
Рејтингот на христијанско-демократскиот сојуз и на христијанско-социјалниот сојуз (ЦДУ/ЦСУ) на Меркел пораснал за 2 отсто во споредба со минатата недела и изнесува 33 отсто.
Поддршката за германската социјал-демократска партија (СПД) на чело со Мартин Шулц се зголемила за еден процент и изнесува 22 отсто.
Рејтингот на крајно десната Алтернатива за Германија (АФД) падна 2 отсто и изнесува 11 отсто. Тоа е најнискиот рејтинг за АФД од парламентарните избори, кога оваа партија освои 13 отсто од гласовите.
Минатата недела пропаднаа преговорите за формирање на коалицијата „Јамајка“ меѓу конзервативците, слободните демократи и зелените.
Зелените и Слободната демократска партија загубиле по еден процент од поддршката и имаат 10 и 9 проценти.
Во анкетата учествувале 1.225 германски граѓани со право на глас.