Меркел ја гаѓале со домати на предизборниот митинг во Хајделберг

Германската канцеларка Ангела Меркел била погодена со домати од насобраните на вчерашниот митиг во Хајделберг, во рамки на предизборната кампања, а полицијата го истражува инцидентот.

Портпаролот на полицијата Давид Фаулхабер за АП изјавил дека се бараат извршителите кои се товарат за делото нанесување телесни повреди и повреди на имот.

Британските медиуми објавија дека пред инцидентот, од топлата се слушнале извици „лицемерка“, „предавничке на народот“, што според толкувањето на „Експрес“ најверотајно е критика на политиката кон мигрантите.

Еден од доматите завршил на сакото на Меркел.

Подоцна Меркел ја продолжила кампањата и во Штутгарт носејќи го истото црвено сако.

Во Германија на 24 септември се одржуваат парламентарни избори.