Германската канцеларка Ангела Меркел соопшти дека ја повикала новата британска премиерка Тереза Меј, на разговори во Берлин и рече дека се надева на соработка.
-Нашата задача е да соработуваме со владите на сојузничките земји”, рече Меркел на прес-конференцијата по разговорите во Бишкек, додавајќи дека голем број на проблеми во светот ја направиле таквата соработка неопходна.
Меркел истакнала дека синоќа, преку телефон, разговарала со Меј.
Германската канцеларка, сепак, одби да ја коментира ненадејната одлука на Меј да го именува неодамнешниот градоначалник на Лондон, Борис Џонсон, за нов министер за надворешни работи на Велика Британија.
Меј непосредно по стапувањето на должност разговарала со Меркел и со францускиот претседател Франсоа Оланд, на кои им рекла дека на нејзината влада ќе ѝ биде потребно време пред да почне да преговара за излез на Британија од ЕУ.