Германската канцеларка Ангела Меркел изјави дека нејзините конзервативци се соочиле со тешки преговори со Социјалдемократската партија во обид за формирање владина коалиција. Таа истакнува дека не се знае кога тие би завршиле, објави Ројтерс.
Конзервативците и социјалдемократите ја одредија недела како краен рок за постигнување договор за обновување на „големата коалиција“ која владееше со Германија од 2013 година, но одредени политичари сметаат дека разговорите би можеле да продолжат и во следните денови или да продолжат во вторник.
Се уште не може да се каже колку ќе траат. Вчера поставивме добри темели, но има уште важни прашања кои треба да се решат, изјави Меркел пред заминувањето на преговори во седштето на СДП.
На новинарско прашање, дали се уште има можност тие да пропаднат, високиот претставник на конзервативците Рајнер Хаселоф рече дека не е убеден во тоа.
-Се надевам не. Не можам да се сетам на ниту една тема која не е премостива, рече тој.
Козервативците и социјалдемократите се договорија да инвестираат повеќе од две милијарди евра во социјални станови до 2021, да вложат 12 милијарди евра за проширување на кабловската мрежа и да одвојат 33 милијарди евра за општините за различни проекти, вклучувајќи ја и грижата за децата.
Исто така, постигнале и догвоор за прашањата на миграцијат, енергија и земјоделство, но допрва треба да се разговара за најспорните прашања- работата и социјалната заштита.
Со спогодбата за „голема коалиција“ треба да се стави крај на четиримесечниот политички застој во Германија.