Времето денеска ќе биде променливо облачно, со сончеви периоди во претпладневните часови. Попладне во западните делови на земјата ќе има врнежи од дожд што ќе продолжат и во текот на ноќта и ќе се прошират насекаде. На повисоките планини, врнежите ќе бидат од снег. Ќе дува слаб до умерен, а од пладне повремено засилен вета од југоисточен правец.
Утринските температури ќе се движат од -6 до 0 степени, а дневните од 4 до 12 степени.
Во Скопје и околината ќе биде променливо облачно, а кон крајот на денот и во текот на ноќта со врнежи од дожд. Ќе дува умерен, повремено засилен ветер од југоисточен правец. Минималната температура ќе се спушти до -2, а максималната ќе достигне 10 степени.
До недела следува период на променливо облачно време со повремени врнежи што ќе бидат пообилни во сабота кога на места ќе наврнат и над 20 л./м2. На планините, врнежите ќе бидат од снег каде дополнително ќе се зголеми снежната покривка, а врнежи од снег ќе има и на некои повисоки места, информираат од УХМР.