Времето утрово ќе биде студено, а во текот на денот сончево и топло. Ќе дува слаб до умерен ветер од северен правец. Минималната температура ќе биде во интервал од 2 до 11 степени, а максималната ќе достигне од 25 до 32 степена.
Во Скопје ќе биде сончево со слаб до умерен ветер од северен правец. Минималната температура ќе се спушти до 5 степени, а максималната ќе достигне 28 степени.
Управата за хидрометеоролошки работи (УХМР) соопшти дека до понеделник ќе преовладува стабилно време со значително повисоки дневни температури.
Од вторник и во следните два дена времето ќе биде претежно облачно со повремени врнежи од дожд со променлив интензитет. Дневните температури ќе бидат во опаѓање.