Најмалку 20 лица се повредени од кои осум потешко во дефектот на лифт што води до станицата „Република“ на метрото во Рим. Најголем дел од настраданите се навивачи на ЦСКА Москва кои се движеа кон стадионот „Олимпико“ на мечот на нивниот клуб против Рома во фудбалската Лига на шампиони.
Римскиот весник „Месаџеро“ наведува дека несреќата се случила околу 19 часот кога е најголемиот шпиц во градот. Истиот медиум пишува дека на еден Русин му е ампутирана ногата.
https://www.youtube.com/watch?v=1ddya18Mvcc
Дел од навивачите во моментот на дефектот останал заборен меѓу парчињата метал, дел, пак, во паника трчале низ скалите кон излезот и во настанатата мешаница биле повредени и други луѓе кои се упатувале кон метрото.
Агенцијата „Анса“ известува дека на еден од гостинските навивачи му е ампутирано пола стопало додека друг е хоспитализиран поради скршеници.